تحية بني شهر لولي العهد

ياسيدي نايف سلام وتحيّة =مكلف بتوصيلها من بني شهر
يقولون وصلها لسيف الحميّة=الفارس الميمون واللي له القدر
اكرمه ربي بالامور العليّة=وأصبح ولي العهد فخر على فخر
ثقة ولي الامر بانت جليّة =اختار من يصبر على نايب الدهر
ياسيدي جيناك معنا الوصيّة=وصيّة يعمل بها كل ذي حِجر
عهد علينا قاطعينا وسيّة=لابوك قبلك ثم عبدالله الصقر
إنّا نصون العهد روحة وجيّة=وإنّا نبايعكم في السر والجهر
وأيضا القبائل كلها لك وفيّة=جاتك تبايع طايعة دونما عذر
نايف أمير العدل والمنهجيّة=رشيد في المنهج وفي الطيب والذكر
يكفي ثبات الامن والداخليّة=كل السنين الماضية توجب الشكر
قايد حكيم في الامور العصيّة=اسلوب راقي في التعامل مع الفكر
كل يقل نايف عظيم السجيّة=فوق المكارم كلها زايد القدر
يكفي وطنّا عينه الساهريّة=عين الخبير اللي حمتنا عن الشر
كم من هـموم شالها قاهريّة=وكم من ظروف صدّها مع قوى الغدر
حافظ على دينه وسنّة نبيّه=والشرع واضح ما لنا فيه من هجر
والامر بالمعروف مابه خطيّة=النهج واضح عند نايف مع الصبر
لاشك هو للعهد اكبر هديّة=نحظى بها ويّا الوطن في ذر ى الفجر
ابو محمد سيّد العبقريّة=في القمة العليا بنى قصر
ياسيدي نايف نوصّل تحيّة=تحيّة منّا قبائل بني شهر
جينا نبايع من قلوب وفيّة=حنا وكل اللي سكن في ربى الحجر
واختم كلامي بالصلاة الزكيّة=على محمد من تعظّم له القدر
سيَّد بني هاشم وسِيد البريّة=نبينا المختار وأصحابه الغُرْ