قصيدة رثاء في الشيخ شبيلي بن فراج

يوم الخميس الله يا كبر المصاب =في ساعة ما قد حسبنا احسابها
مات الشبيلي يوم ودعنا وغاب =كن العرب ماتت جميع اقرابها
شيخ نجلّه يوم هو وافي النصاب=واما خصال العز هو عرّابها
واهل التواضع والثنا والإحتساب=والصبر لا عضّت عليه انيابها
الراي رايه ما احتمل غير الصواب=والكلمة الزينة يا كم وصّى بها
أجلّه الشيبان واهداه الشباب=برّ اوفياء ربعه مع شيّابها
لا جات للديرة جليلات الصعاب =حلّالها مهما تكون انشابها
أهل الكرم والطيب مدرار السحاب=غيثٍ وتحيابه جميع اهضابها
عند القيادة والملك سؤله مجاب=شيخٍ رفيع المنزلة يحظى بها
يظل حتى لو نزل تحت التراب=ذكره كما روضة تفوح اطيابها
لو ينفدى والله تفداه الرقاب=لتشوف ربعه مرخصين ارقابها
لكنه المكتوب نرضى بالكتاب=ولكل نفس موعدٍ بكتابها
ما بينه اوبين ادمي فصل او حجاب=حتى الملوك اللي لها حجّابها
يا رب يا رحمن عظمه الثواب=والجنة افتح له جميع ابوابها