جعل مثلك يا(علي) ما يُضام... يا ندي الكف مالك نظير

يابنات الفكر هيّا قوام = يا قوافي الشعر حِثي المسير
عندنا واجب لعالي المقام = لاذكرنا المشيخة ، شيخ غير
ودّي آسلم على ابن الكرام = بن سليمان الحبيب الأثير
مقصدي والله رد السلام = ما معي طمعه ولاني حقير
عايشٍ في خير وآخرتمام = من عطى المولى الكريم القدير
ما مدحت لغايةٍ أومرام = في حياتي، إسم شيخ او وزير
بس (ابوخالد) عدو اللئام = بامدحه صادق ولا باستشير
أمدح اللي ما عليه انقسام = من دبي ، لنجد ، والى عسير
راعي الوقفات شرق وشام = كل خلق الله كبير وصغير
يعرفونه عُرف بدر التمام = حين يظهر وسط ليلٍ دمير
شِعر ما يمدح سنام السنام = ما يسمّى شِعر، إسمه (شعير)
لَنّ مدح اللاش عيب و(حرام) = مثل من يمدح عديم الضمير
الرجال اشكال مابه كلام = من مواقفهم يبان الكبير
بعضهم تلقاه يوم الزحام = مثل سيف المنع شابي شطير
وان قسى وقتٍ على الناس قام = مثل مزنة غيث يومٍ مطير
وبعضهم يالله حسن الختام = فوق (تَلّ) فلوس لكن (فقير) ؟!
جعل مثلك يا(علي) ما يُضام = يا ندي الكف مالك نظير
عدد من كبّر، وصلّى ، وصام = أطلب المولى يجازيك خير