قصيدة شعرية " في ذمة الله يا زعيم الجزيرة "

في ذمة الله يا زعيم الجزيرة =في ذمة المولى بذكرك وطرياك
ننعاك يا صقر الصقور الخطيرة=والشعب ينعى يوم بعدك وفرقاك
لو شفت بعدك كم جموع غفيرة=تبكيك وأيضا اديارنا يوم تنعاك
الشعب حبك وأنت كملت خيره=والخير كله تورده طول يمناك
والعالم اجمع ما توقف مسيره=يم الرياض معزيا يوم ذكراك
قايد عظيم وملهم في مسيره=والكل يوفي لك بطيبك ويفداك
كنت الحكيم اللي له الراي خيرة=والشور عندك يبتدي ما تعداك
كنت الحنون اللي يباشر سروره=الوجه مشرق والوفا في محيَّاك
محدٍ نصاك الا تهيَّا حبوره=والكل ينهل من كرايم عطاياك
العالم اجمع ودعك بالف صوره=واللي كُتب مليون في طيب ممشاك
اكيد حبك معتلي في قصوره=بقلوب شعبك ما تغير بفرقاك
كل يبين بعد فقدك شعوره=حتى الصغار وكل من عاش فقداك
والموت حق وكل حي يزوره=ولاَّ يكن بالروح حنَّا فديناك
لكن دبرة ربنا في أموره=لو كان يسمح كان في العين شلناك
وآخر كلامي مثل لأول حضوره=مرحوم يا من بالعطايا فقدناك
نساله يغفر للذي غاب نوره=والله يبيحك في حياتك ومثواك