تهوى التصوير!! أبدع بأي كاميرا لديك

بسم الله الرحمن الرحيم هذا اول موضوع اكتبه في مجموعة ابو نواف وعساه ان شاء الله يحوز على اعجابكم ما اعرف للمقدمات المقتضبة ولا عندي اسلوب معين للكتابة عشان كذا خل ابدأ بالموضوع التصوير الضوئي هو هواية واذا حبيتها فعلا ابدعت فيها مهما كانت الكاميرا اللي معك يعني لو شريت كام ب 4000 ريال هذا لا يعني انك بتطلع بصورة جميلة ابدا المصور عينه ترى مالا يراه غيره << موب يشوف الجن يعني يعني المصور المهتوي هذي الهوايه لو اخذ اي كاميرا وصور تمثال مثلا وجاء واحد وصور نفس التمثال المصور بتكون زوايته لافته للنظر اكثر من المصور العادي او بتسميه اكثر احترافيه اللي ياخذ صور للذكرى فقط زي كتاب قريب قرأته يتكلم عن المصور و اللي ياخذ صور للذكرى سمى صور المصورين بالـ (photo) يعني صورة واللي ياخذون للذكرى (snapshot) بمعنى لقطة يقول في الكتاب اللقطة هي مكان تم ايقاف الزمن به, مجرد ذكرى اما الصورة هي ما تلفت انتباه المتلقي, حيث يوجه المصور المتلقين الى ما الموضوع وان كان الموضوع غير واضحا في بادئ الامر - او قصده ان عين المتلقي ما لاحظت الموضوع في الاول لكن بعد ما تتجول العين في الصورة تلاحظ الموضوع اللي المصور يبغاك تشوفه وللي يحب يكمل ويقرأ الكتاب اسمه: How To Take Great Photos with any camera you have للكاتب Peter Tellone اذا كنت تحب التصوير وودك تبدع وتكمل رح وتصفح اعمال المصورين سواء كانوا سعوديين او اجانب وفيه قواعد للتصوير لتقودك الى الطريقه الامثل لتظهر صورك بأحسن مظهر او افضل توسيط للصورة منها قاعدة التثليث وهي تقسيم الصورة الى 9 مربعات وخطين افقيين وخطين رأسيين ويكون موضوع الصورة يمر على احد الخطوط عموديا او افقيا وهذي صورة تشرح القاعدة وهذا مثال من تصويري باستخدام قاعدة التثليث وايضا قاعدة ان موضوع الصورة يبدأ من احد الزوايا الاربع في الصورة مثال من تصويري لهذه القاعده وقاعدة بروزة الصورة او الـ Framing وهذا مثال من تصويري باستخدام هذه القاعده هناك الكثير من القواعد ولكن افضل قاعدة ان تخرج من هذه القواعد وتخرج بصور جميلة او تدمج اكثر من قاعدة في عمل واحد بدأت التصوير من 3 سنوات لذلك لا اعتبر نفسي محترف ابدا والى الان لا املك كاميرا استطيع فيها التحكم بسرعة الشتر او الايزو او الفوكس اليدوي لكن جميع اعمالي حتى الان هي باستخدام كاميرا الجوال بحكم اني عاشق لتصوير المايكرو او الاجسام الصغيرة صنعت لي عدسة مايكرو خاصة بكاميرا الجوال وكانت عدسة كاميرا قديمة ام فلم بحكم انها محدبة فهي تكبر الاجسام وهذا احد اعمالي << بيكاسو وانا مدري باستخدام هذه العدسة المبتكرة وايضا لا ننسى دور برامج تحسين الصور مثل الفوتوشوب مثل ان تجعل جزء من الصورة غير واضح المعالم (blured) بحيث تزيد من جمال الصورة وايضا اداة القطع (crop) بعض الاحيان تحتاج لقطع احدى الصورة لتطبق احد القواعد مثل قاعدة التثليث اللي حبيت اوصله من خلال ذا الموضوع انه ما يهم وش نوع الكاميرا اللي معك لكن انت تحب التصوير ابدأ صور بالكاميرا اللي في يدك الي ان شاء الله تقدر تجيب لك كاميرا وينفتح لك مجال اكثر للابداع لكن ما يمنع انك تقرأ عن الكاميرات وتعرف وش سرعة شتر وش فتحة العدسة والعدسات وانواعها احدى مقولاتي في التصوير " عين المصور تخلق من العشوائي فناً منظماً " إبدأ من الحين بالنظر الى ما حولك بطريقة مختلفة اتمنى اني اكون قد وفقت في نقل اي معلومة او افادة والسلام خير ختام كاتب الموضوع :Black مجموعة ابو نواف