المقدم الثوابي يقلد الشهري رتبته الجديدة
موقع تنومة - أبها قلد سعادة المقدم منصور محمد الثوابي سعد بن محمد آل مهراس الشهري رتبته الجديده بعد صدور قرار ترقيته الى رئيس رقباء بالادارة العامه للدوريات الامنيه بمنطقة عسير ويعد الاخ سعد من الكفاءات الجيده في الادارة .
نبارك للاخ سعد الترقيه سائلين المولى ان تكون له عوناً على طاعته .
نبارك للاخ سعد الترقيه سائلين المولى ان تكون له عوناً على طاعته .
اللــي رفع سبع ٍ على غيـر عمدان = الخالق المعبود منجي خليله
ابدا بذكره وابتدي نظم الاوزان=أترك ضعيف الشعر وآخذ جزيله
في مدح راعين المكارم والاحسان = من حرب ربع ٍ ما نسينا جميله
نسل الكرام اللي بهم صدق وإيمان =بالطيب كم شالوا حمول ٍ ثقيلة
في مدحه واثق ولاني بغلطان = من قبل لاخص النشامى بقيله
سعد بن محمد راع الشهامة كحيلان = أنا أشهد إنه من رموز القبيلة
أمدح جنابه واشكره سر واعلان= بالطيب والنخوة قليل ٍ مثيله
له من جبل قريش تحية وعرفان= تشهد له بطيبه رجال ٍ تجيله
ابو محمدعزالله من جاه بلشان = ما شفت مثله بالكرم والفضيلة
ابا امدحه حيثه لعانيه مزبان= يا قف مع العاني مواقف نبيلة
اللي بفعله يشبه لطير حوران = والحر عاداته يصيد الجليله
الشعر في مدحه غدى نظم مرجان= والا الردى ما لك بمدحه وسيلة
المدح يزهى مثل طلقين الإيمان =صالح وفيصل كاسبين النفيله
معروفه ما ينسى طول الأزمان= ومن يفعل المعروف يلقى حصيله
في مدحه نظمت أنا اليوم قيفان = والشعر يبقى للسنين الطويلة
عندي على مدح الأجاويد برهان =اللي كرمهم مضرب أمثال جيله
كتبت القصيد وانا ولد ثربان= جدي علي راعي العلوم الجميله
واختامها صلوا على نسل عدنان=شفيع الأمة عن عذاب ٍ يهيله
اخوك عبد القادر بن محمد بن علي ال ثربان الشهري((ابو صلاحه))