ملك القلوب

هذا زمانك خير من كل الأزمان = والملك لله ثم لك أمر محسوم
أول تقارب في حوارات الأديان = با أسباب كلمة من عظيم وصمصوم
يا خادم البيتين حيّتك الأوطان = وللي تقوله واضح النهج مفهوم
أنت الزعيم اللي لك العرف والشان = خيبت ظن اللي منافق ومذموم
أسعدت شعبك بالمحبة والإحسان = وأنقذت من صكتّه الأيام مكلوم
أنت الزعيم اللي له الخير عنوان = إنسان بالمعنى وبالفعل معلوم
دربك ونهجك واضح شوف الأعيان = حققت للعالم أماني لها إسلوم
تزرع بذور الخير في كل بستان = وتنزع سهام الموت عن كل مسموم
سيف صقيل للمعادين ولهان = وخير عظيم يرتفي كل مظلوم
شهم صدوق عارف كل ما كان = صنت العروبة عن محاذير واحلوم
المملكة في عهدكم خيرها بان = ما هزّها ريح من الغرب وسموم
والعولمة طاحت على راس من كان = ينهب كنوز الشرق واليوم معدوم
عبدالعزيز أرسى الدعايم والأركان = والنهج الأول دايما عندنا يدوم
أمن وأمان وطاعة الله لكم شان = ما عاد في شعبك شقي ومحروم
الخير من كفك على كل ميدان = حتى الفقير أصبح معافى ومحشوم
قلب حنون يتسع كل من كان = فرّجت كربات لمعسر ومكلوم
كنت العطا والخير في كل ما كان = كم من قرار صادق العهد مرسوم
شعبك يحبك وأنت له روح وإسكان = واللي وصل بابك له الخير مقسوم
جمّعت شمل للعروبة على شان = تنهي خلاف صار كايد ومذموم
شيمة زعيم ما هو الكره إنسان = يحن دايم للعروبة ومهموم
أنشهد أنك فوق ضيمات الأزمان = شهم كريم في الأمانة لك إعلوم
حيّاك ربي ثم حيّتك الأوطان = ياسيدي تبقى لنا ذخر وتدوم
أسأل عظيم الملك عدل ورحمان = يحفظك يا راس العرب دوم قيدوم
وأختامها صلوا على نسل عدنان = محمد المختار هادي ومعصوم